Babban sakataren kungiyar Hizbull Sayyed Hassan Nasrallah ya karbi bakuncin babban sakataren kungiyar ta jihad Ziad Nakhalah da mataimakin shugaban ofishin siyasa na kungiyar Hamas Saleh Al-Arouri, inda suka tattauna batutuwan siyasa da soja da kuma ci gaban batutuwan tsaro, da daidaita tsare-tsare tsakanin ƙungiyoyin gwagwarmaya, musamman a Palastinu da Lebanon.

A yau Asabar ne babban sakataren kungiyar Hizbullah Hassan Nasrallah ya karbi bakuncin babban sakataren kungiyar Islamic Jihad Ziad Nakhalah da mataimakin shugaban ofishin siyasa na kungiyar Hamas Saleh Al-Arouri a birnin Beirut fadar mulkin kasar Lebanon.

A yayin ganawar tasu, Sayyed Nasrallah, Nakhla, da Al-Arouri sun yi nazari kan al’amuran siyasa na baya-bayan nan, musamman a Palastinu a yankunanta da Isra’ila ta mamaye a yammacin kogin Jordan.

Bayanin taron na bangarorin uku ya tabbatar da tsayuwar daka daga dukkan dakarun kungiyoyin gwagwarmaya domin tinkarar ayyukan wuce gonad a iri da mamayar Isra’ila.

A cewar sanarwar hadin gwiwa, an jaddada muhimmancin hada kai da bin duk wani ci gaba na siyasa, tsaro da soja da kuma daukar matakin da ya dace.

©Hausa tv