Majalisar Dattawa ta bukaci Babban Bankin Najeriya (CBN) ya tsawaita wa’adin daina karbar tsofaffin takardun kudi zuwa ranar 30 ga watan Yunin 2023.
A ranar 15 ga watan Disamba CBN ya fara fitar da sabbin takardun kudi na N200, N500 da kuma N1,000, bayan sanya 31 ga watan Janairun 2023 a matsayin ranar daina karbar tsofaffin takardun kudin.

Wannan na zuwa ne bayan da kudurin da Sanata Ali Ndume daga Jihar Borno, ya gabatar a zauren Majalisar a ranar Laraba.
Ndume ya soki wa’adin da CBN ya sanya tun farko, inda ya ce kawo yanzu mutane ba sa samun sabbin takardun kudin a cikin birane ballantana kuma mutanen karkara.

Ya ce idan CBN bai tsawaita wa’adin daina karbar tsofaffin takardun kudin ba, hakan na iya jefa miliyoyin mutane cikin wahala