Jagoran juyin juya halin musulunci Imam Sayyid Aliyul Khaminae ya bayyana cewa gwamnatin haramtacciyar kasar Isra’ila (HKI) tana rushewa da gaggawa.

Tashar talabijin ta Presstv a nan Tehran ta nakalto Imam Khaminae yana fadar haka a yau Asabar, a wata ganawa ta sallar Idi da jakadun kasashen Musulmi a nan Tehran.

Jagoran ya kara da cewa: A Yau muna ganin yadda gwamnatin HKI tace jada baya kadan kadan sannan tana gaggawar gushewa fiye da yadda muke tsammani.

Y ace: Ya zama wajibi ga kasashen musulmi su tallafawa al-ummar Falasdinu don ganin sun ci gaba da kare kansu daga yahudawan Sahyoniyya wadanda suke mamaye da kasarsu fiye da shekaru 70 da suka gabata.

A wabi bangare na Jawabinsa Jagoran ya bukaci hadin kan al-ummar Musulmi ya kuma kara da cewa duk da cewa alkur’ani mai girma ya hanamu rarraba, amma abin bakin ciki a raba muke. Hadin kai tsakanin musulmi wajibi ne don shi ne karfimmu a kan makiyammu.