Gwamnatin Jumhuriyar Niger ta musanta cewa ta kori jakadan kasar Nigeriya daga kasar kamar yadda wata majiyar ma’aikatar harkokin wajen kasar ta bayyana a jiya jumma.

Jaridar Daily Trust ta Nigeriya ta bayyana cewa akwai rashin fahintar yadda al-amura suke tafiya a jumhuriyar Niger dangane da korar jakadun wasu kasashen daga kasar.

Kafin haka dai ma’aikatar harkokin wajen kasar a jiya Jumma’a ta bada sanarwan cewa ta bawa jakadun kasashen Naijeriya da kuma na wasu kasashen yamma sa’oii 48 su fice daga kasar.

Amma wata majiyar gwamnatin sijojin kasar a yau asabar ta bada sanarwna cewa bata kori jakadan Najeriya daga kasar ba, kuma ta kara da cewa jakadan kasar Faransa ne ta kora saboda yak i amsa gayyatar ma’aikatar harkokin wajen kasar na tattaunawa da shi a kan wasu al-amura.

Labarin ya kara da cewa jakadun kasashen Faransa da Jamus duk sun ki amfani gayyatar ma’aikatar harkokin wajen kasar